Ватан каһарманнары истәлегенә

Ватан Геройлары көне алдыннан С. Рәфыйков исемендәге Үзәк китапханәдә чара узды. «Алар турында тарихта язачаклар...» дигән очрашуга политехник көллиятнең 1 курс студентлары чакырылган иде. Аларга бина буйлап экскурсия үткәрелде, бәйрәмнең килеп чыгу тарихы, шулай ук герой якташларыбыз Николай Майков, Григорий Ларионов, Алексей Васильев турында сөйләделәр. Чараның максаты-үсеп килүче буынны патриотик рухта тәрбияләү, гореф-гадәтләргә һәм мәдәни мираска хөрмәт формалаштыру, үз илеңнең конституцион нормаларын үтәүнең мөһимлеген аңлату. Ватан Геройлары көне Россиядә 9 декабрьдә билгеләп үтелә. Бу Россия Федерациясенең истәлекле датасы. 2020 елда бәйрәм 14 нче тапкыр үткәрелә.