«Мәскәү диварлары янында сугыш»

1941 елның 5-6 декабрендә Көнбатыш һәм Калинин фронтлары, шулай ук Көньяк-Көнбатыш фронтының частьләре кискен һөҗүмгә күчә. Калининнан Ельцага кадәр киң фронтта дошман оборонасын өзеп, алар кыска гына вакыт эчендә дошман армияләренең "Центр" төркемен тар-мар итәләр. Нәкъ менә биредә, Мәскәү астында, Бөек Ватан сугышы тарихында беренче тапкыр фашист армиясенә каршы көчле контрһөҗүм әзерләнгән. Инвалидлар декадасы кысаларында Туган якны өйрәнү музее хезмәткәрләре әлеге сугыш истәлегенә «Мәскәү диварлары янында сугыш» дип исемләнгән тематик чара үткәрделәр. 9 нчы мәктәпнең 8 нче сыйныф укучылары өчен музей хезмәткәрләре «Анда, сугышта» дигән мини-күргәзмә әзерләделәр, Мәскәү сугышы тарихы турында сөйләделәр, «Эрудит» биреме әзерләделәр. 38 нче укчы дивизия составында Мәскәү өчен бәрелешләрдә катнашкан Аксар авылында туып-үскән кызыл армияче Мәрданшин Нәҗип Мәрдан улының хатларын укыдылар.