Зәйлеләр Идел буе шәһәрләре балалар-яшүсмерләр спорт мәктәпләре матч очрашуларында

5-6 декабрь көннәрендә Түбән Кама шәһәренең «Шинник» спорт комплексында балалар-яшүсмерләр спорт мәктәбе директоры Ю.Г. Жадовский истәлегенә җиңел атлетика буенча Идел буе шәһәрләре балалар-яшүсмерләр спорт мәктәпләре матч очрашулары булып узды. «Барс» спорт мәктәбендә шөгыльләнүчеләр түбәндәге нәтиҗәләрне күрсәттеләр: Устимкина Мария (2005 елгы) 400 метр һәм 800 метрлы дистанциядә 1 урын яулады. Волков Богдан (2006 елгы) 1500 метрлы дистанциядә 1 урын һәм 800 метрлы дистанциядә 3 урын алды. Шарафеев Адель (2006 елгы) 1500 метрлы дистанциядә өченче урынга чыкты. Тренерлары- Лисов Валерий Владимирович.