Зәйдә шәһәр Советының алтынчы утырышы узды

Бүген Зәй шәһәре башлыгы Разиф Кәримов рәислегендә дүртенче чакырылыш Зәй муниципаль районы Зәй шәһәре Советының алтынчы утырышы узды. Көн тәртибе буенча беренче булып Зәй муниципаль районы Зәй шәһәре Башкарма комитеты җитәкчесе вазыйфасын биләүгә конкурс нәтиҗәләре турындагы мәсьәлә каралды. Депутатлар алдында бу мәсьәлә буенча конкурс комиссиясе рәисе, район башлыгы урынбасары Валерий Акатьев чыгыш ясады. Вакантлы вазыйфага 3 кандидаттан гариза кергән иде, шәһәр депутатлары элек ТР Президенты каршындагы Дәүләт торак фонды вәкиле булып эшләгән Роберт Садретдиновны яклап үз тавышларын бирде. Утырышта шулай ук түбәндәге мәсьәләләр каралды: Татарстан Республикасы Зәй муниципаль районы Зәй шәһәренең 2021 елга һәм 2022, 2023 елларның планлы чорына социаль-икътисади үсеш фаразы, Татарстан Республикасы Зәй муниципаль районы Зәй шәһәренең 2021 елга һәм 2022, 2023 елларның планлы чорына бюджеты турында, Зәй муниципаль районы Зәй шәһәренең 2021 елга һәм 2022, 2023 елларның планлы чорына бюджеты турындагы карары проектына бәяләмә.