Зәйлеләрне Татарстан Республикасы Дәүләт Советы депутаты кабул итте

Бүген «Бердәм Россия» партиясенең җәмәгать кабул итү бүлмәсендә алтынчы чакырылыш Татарстан Республикасы Дәүләт Советы депутаты Нефедов Николай Валерьевич Зәй муниципаль районы гражданнарын кабул итте. Кабул итү барышында өч гариза бирүченең мөрәҗәгате каралды. Сораулар мөмкинлекләре чикле балалар тәрбияләүче гаиләләрне торак белән тәэмин итү, балага бер тапкыр бирелә торган акчалата түләүне алу өчен өченче һәм аннан соңгы бала тапкан хатын-кызлар өчен яшь чикләүләрен арттыру кебек мәсьәләләргә кагылышлы иде. Шулай ук зәйлеләр депутатка «Татарстан Республикасында урманнардан файдалану турында» ТР Законына үзгәрешләр кертү турындагы закон инициативасы белән чыгу үтенече белән мөрәҗәгать иттеләр. Барлык сораулар буенча гражданнарга аңлатмалар бирелде. Мәсьәләләрне җентекләп өйрәнү максатыннан, Николай Нефедов запросларны тиешле хакимият органнарына җибәрергә дигән карар кабул итте. Башкарылган эшләр турында мөрәҗәгать итүчеләргә законда билгеләнгән срокларда хәбәр ителәчәк.