Зәйдә ведомствоара комиссия утырышы узды

2020 елның 2 декабрендә Зәй муниципаль районы Башкарма комитеты җитәкчесе вазифаларын башкаручы М.и. Захарова рәислегендә алкоголь базарын җайга салу буенча Ведомствоара комиссиянең чираттагы утырышы булды. Утырышта ТР Дәүләт алкоголь инспекциясенең Түбән Кама территориаль органы башлыгы Марат Солтанов «Сыйфатсыз алкогольле продукция һәм спиртлы сыеклык әйләнешен булдырмый калуга юнәлдерелгән чаралар турында» дигән темага доклад белән чыгыш ясады. Шулай ук 2020 елның 10 аенда алкогольле һәм спиртлы продукциянең законсыз әйләнеше өлкәсендә үткәрелгән чаралар йомгаклары, республика җитештерүчеләре продукциясен алга этәрү мәсьәләләре һәм алкоголь базарын легальләштерүгә юнәлдерелгән сыра продукциясен маркировкалау буенча Татарстан Республикасында сынау проекты- фикер алышу өчен төп мәсьәлә булды. Марат Солтанов «Халык контроле» нә мөрәҗәгать итү мөмкинлеге турында искә төшерде, анда гражданнар 22:00 сәгатьтән 10:00 сәгатькә кадәр алкогольле продукция, яраклылык срогы чыккан спиртлы сыеклыклар, «икеләтә билгеләнештәге» спиртлы сыеклыклар сату фактлары турында хәбәр итә алалар. ТР Дәүләт алкоголь инспекциясенең Түбән Кама территориаль органы башлыгы Татарстан Республикасы Дәүләт алкоголь инспекциясендә «ышаныч телефоны» эшләвен җиткерде, аның буенча Татарстан Республикасы Дәүләт алкоголь инспекциясе хезмәткәрләре эшчәнлегендә коррупция юнәлешендәге фактлар турында хәбәр итәргә мөмкин: +7 (987) 296-68-93 (дүшәмбе – пәнҗешәмбе - 08 сәгать 30 минуттан 17 сәгать 30 минутка кадәр, җомга – 08 сәгать 30 минуттан 16 сәгать 15 мин. кадәр) һәм “Интернет-кабул итү " (гражданнарга үзләренә булган коррупция фактлары, аларны кылуга этәрә торган сәбәпләр һәм шартлар турында хәбәр итәргә мөмкинлек бирә. Шулай ук Түбән Кама территориаль органы холлында «Ышаныч тартмасы» бар.