Район башлыгы белем бирү учреждениеләрендә булды

Бүген район башлыгы Разиф Кәримов мәгариф идарәсе башлыгы Лилия Печина һәм Роспотребнадзорның ТР буенча идарәсе территориаль бүлеге башлыгы Ринат Насыйбуллин белән берлектә шәһәрнең белем бирү оешмаларында: 4нче мәктәптә, 9нчы мөмкинлекләре чикләнгән балалар өчен мәктәптә һәм политехник көллияттә булды. Район башлыгы дәресләрдә укытучылар һәм укучылар белән аралашты, укучыларның коронавирус инфекциясен кисәтү чаралары турында хәбәрдар булуына һәм аларны үтәүнең мөһимлеген аңлавына шәхсән үзе инанды. Комиссия әгъзалары шулай ук белем бирү оешмалары ашханәләрендә булдылар, менюны тикшерделәр, иртәнге ашка бирелүче ботканы татып карадылар һәм аның сыйфатыннан канәгать калдылар. Укучыларны тукландыруны оештырганда шулай ук Роспотребнадзорның барлык санитар нормалары һәм таләпләре дә саклана: керү алдыннан укучылар кулларын юа һәм дезинфекцияли, алар ара калдырып утыртыла. Мәгариф идарәсе мәгълүматларына караганда, бу атнада дәресләрне көн саен 350-360 укучы калдыра, балалар бакчаларына 110-120 сабый китерелми. ОРВИ билгеләре булган һәм иртәнге фильтрны узмаган балалар белем бирү оешмаларына кертелми.