«Игелек кыл» хәйрия акциясе кысасында бүләккә планшет

2020 елның 1 декабрендә "Бердәм Россия" партиясе үзенең туган көнен - 19 еллыгын билгеләп үтә. Бүген «Игелек кыл» хәйрия акциясе кысаларында партиянең төбәк башкарма комитеты тарафыннан "Аерым фәннәрне тирәнтен өйрәнүле 7 нче урта гомуми белем бирү мәктәбе”нең 8Б сыйныф укучысы С.Ф. Борһановага дистанцион уку өчен планшет тапшырылды. «Игелек кыл» акциясе авыр тормыш хәлендә калган гаиләләргә ярдәм итүгә юнәлдерелгән. Акцияне үткәрү турында карар «Мәрхәмәт-Милосердие» хатын — кыз депутатлар берләшмәсе утырышында кабул ителде,- дип хәбәр итә ТР Дәүләт Советы матбугат хезмәте. Акция барышында компьютер техникасы сатып алынган һәм бөтен республика буенча аз тәэмин ителгән гаиләләрдәге балаларга, мөмкинлекләре чикләнгән балаларга тапшырылды. Соңгы дистанцион уку укучыларда компьютер техникасына сорау зур булуын күрсәтте, ул өстәмә белем алу өчен дә кулланылырга мөмкин.