Зәйлеләр "Наше Время - Безнең Заман" фестивалендә призлы урын яуладылар

27-30 ноябрьдә Казанда эшче яшьләрнең “Наше время-Безнең заман” телевизион республика иҗат фестивале үтте. Фестивальнең финалына узучылар арасында җитди иҗат бәйгесе барды. Дүрт көн дәвамында зона этапларында җиңү яулаган, призлы урыннар алган талантлы яшьләр иң-иңнәр булу өчен чын мәгънәсендә көрәш алып барды. Зәй данын күп кенә иҗат коллективлары, аерым башкаручылар яклады. Нәтиҗәдә”Аккурайд Уилз Руссия“ ҖЧШеннән “Вокал-соло” да Розалия Ханнанова суперфиналда дипломант булды. "Кече форма вокал” номинациясендә мәгариф идарәсенең “Престиж” вокаль ансамбле – III, ә вокаль ансамбле һәм хореография төркеме II урынны алды. ГРЭСның аерым башкаручысы Борис Гришин “Вокал-соло” да – II, ә предприятиенең вокаль ансамбле һәм энергетикларның “Дан минуты” (“Минута славы”) номинациясендә чыгыш ясаучылары I урынны яуладылар. Гомуми исәп буенча мәгариф идарәсе командасы өченче урынга чыкты.