Зәй районында «Гражданнарны кабул итү декадасы» узачак

«Бердәм РОССИЯ» Бөтенроссия сәяси партиясенең Генераль советы Президиумы карары нигезендә, 2020 елның 1 декабреннән 10 декабренә кадәр Зәй муниципаль районында «Бердәм РОССИЯ» партиясенең туган көненә багышланган «Гражданнарны кабул итү декадасы» узачак. Чаралар планында – “кайнар линияләр”, консультацияләр, депутатлар, шәһәр микрорайоннары һәм авыл җирлекләрендә яшәүне тәэмин итү хезмәтләре җитәкчеләре белән очрашулар, район үсешенең актуаль мәсьәләләре буенча “түгәрәк өстәлләр” һәм башкалар. Чараларда барлык дәрәҗәдәге депутатлар, Зәй муниципаль районы башкарма хакимияте органнары вәкилләре катнашачак. Чаралар планы Зәй муниципаль районы һәм «Новости Заинска» рәсми сайтларында урнаштырылган, көн саен «Татарстан 24 – Зәй ТВ» телеканалында «йөгерүче юл» белән һәм радиоэфирда алхәбәр биреләчәк. Белешмәләр өчен телефоннар: 7 -30- 94, 6-68-69.