Ирекле көрәш буенча Әниләр көненә багышланган ачык турнир

28 ноябрь көнне Түбән Кама шәһәрендә 16 яшькә кадәрге кызлар арасында ирекле көрәш буенча Әниләр көненә багышланган ачык турнир узды.Анда Казан, Тәтеш, Яр Чаллы, Түбән Кама, Алабуга, Мамадыш, Ижевск, Әлмәт шәһәрләреннән 70 спортчы катнашты. «Зәй» спорт мәктәбенең ирекле көрәш бүлеге шәкертләре түбәндәге нәтиҗәләрне күрсәттеләр: Хуҗина Ләйсән 70 кг авырлык категориясендә 1 урынны яулады (тренеры Салихов Р.Р.), Вәлиәхмәтова Диана 26 кг авырлык категориясендә 2 урынны яулады (тренеры Хуҗин И. А.), Хөснуллина Алинә 40 кг авырлык категориясендә 3 урынны яулады (тренеры Салихов Р. Р.), Колесова Полина 46 кг авырлык категориясендә 3 урынны яулады (тренеры Салихов Р. Р.).