Зәйдә Әниләр көненә багышланган күңел ачу чаралары уза

Көзнең иң җылы бәйрәме-Халыкара Әниләр көне алдыннан «Дуслык» яшьләр үзәгендә әниләр өчен күңел ачу программасы оештырылды. Кичә дәвамында залда яхшы кәеф һәм игелеклелек атмосферасы хөкем сөрде. Һәр әни, конкурслар ярдәмендә, үзенең йөкле чагын, баланы ничек тиз биләргә кирәклеген искә төшерде. Музыкаль һәм бию бәйгеләре кәефләрне тагын да ныграк күтәреп җибәрде. Конкурс программасыннан тыш, кунаклар яшьләр үзәгенә йөрүчеләрнең иҗади эшләре күргәзмәсен дә күрә алдылар, анда әниләр портретлары сүрәтләнгән иде. Шулай ук әти-әниләр балаларының бәйрәм барышында мастер-класста әзерләгән бүләкләрен кабул иттеләр. Кичә ахырында гүзәл затларның барысына да чәчәкләр, дипломнар һәм истәлекле бүләкләр тапшырылды. Әниләр бәйрәмнән җиңеллек хисе һәм күтәренке рух белән таралышты. Бәйрәм бик күңелле үтте.