Зәйлеләргә юридик диктант язарга тәкъдим ителә

Россия юристлары ассоциациясе онлайн-режимда IV Бөтенроссия хокукый (юридик) диктант үткәрәчәк. Атна дәвамында, 3-10 декабрь көннәрендә, Россиянең һәр гражданы "юридиктант.рф" сайтында үзенең юридик белемнәрен тикшерә алачак. Диктант 14 яшьтән өлкәнрәк гражданнарга исәпләнгән. Тестны узган һәр кеше диктант узу турында шәхси нәтиҗә белән сертификат алачак, шулай ук җибәрелгән хаталар буенча мәгълүмати материаллардан файдалана алачак. Шулай итеп, кеше үз белемнәрен тикшереп кенә калмыйча, нәрсәгә дә булса өйрәнәчәк. Диктант 40 сораудан торачак, җавапларга 60 минут вакыт биреләчәк. Төп тематика: Россия Конституциясе, административ җаваплылык, хезмәт, гражданлык, гаилә хокуклары. 2020 елда Бөек Ватан сугышында Җиңүнең 75 -еллыгы уңаеннан юридик диктантка Нюрнберг трибуналына багышланган сораулар да кертеләчәк.