Зәйдә Таҗетдин Ялчыгол исемендәге фәнни-гамәли конференция узды

Бүген аерым фәннәрне тирәнтен өйрәнүле 7 нче урта гомуми белем бирү мәктәбе базасында укучылар һәм укытучыларның тикшеренү, проект һәм иҗат эшләре буенча Таҗетдин Ялчыгол исемендәге V төбәк фәнни-гамәли конференциясе узды. Конференция укучылар өчен «Тарихыбызны барлыйбыз», «Халкыбызның гореф-гадәтләре», «Нәселемнең ветераны-безнең горурлыгыбыз», педагоглар өчен «Язучы, дин эшлеклесе һәм мөгаллим Т.Ялчыголның киләчәк буыннар өчен калдырган мирасы» секцияләре буенча онлайн режимда эшләде. Конференциядә Татарстан Республикасының 13 районыннан укучылар һәм педагоглар катнашты, һәм ул югары дәрәҗәдә узды.