Зәйнең «Развивайка» клубында әниләр өчен бүләк ясадылар

“Шатлык” халыкка социаль хезмәт күрсәтү комплекслы үзәге базасында “Развивайка” клубы эшчәнлеге кысаларында мөмкинлекләре чикләнгән балалар тәрбияләүче гаиләләр өчен социаль технология гамәлгә ашыруны дәвам итә. 24 ноябрь көнне “Радость” халыкка социаль хезмәт күрсәтү комплекслы үзәге базасында “Profistail” волонтерлар отряды һәм үзәк психологы тарафыннан мөмкинлекләре чикләнгән балалар һәм аларның әти-әниләре өчен “Развивайка” клубында төркемле дәрес үткәрелде. “Үзенчәлекле” балалар һәм аларның ата-аналары белән эшләүдә психологлар төрле ысуллар һәм техникалар кулланалар. Әлеге дәрес арттерапия ысулы ярдәмендә психологик коррекция буларак үткәрелде, бу исә балаларны коллективка берләштерүгә, эмоциональ киеренкелекне бетерүгә, хәтернең психологик процессларын, игътибарны, сөйләмне, моториканы үстерүгә ярдәм итә. Әлеге чара Әниләр көне алдыннан узды. Волонтерлар чарада катнашучыларны бәйрәмнең килеп чыгу тарихы белән таныштырдылар. Балалар әниләренә ягымлы сүзләр һәм комплиментлар әйттеләр, квилинг техникасында күләмле открыткалар ясадылар. Үз куллары белән ясаган матур һәм гадәти булмаган иҗади бүләкләрен әниләренә бәйрәмгә бүләк итәсе генә калды.