Зәй муниципаль районы бюджеты турында карар проекты буенча ачык тыңлаулар узды

Бүген хакимият залында муниципаль район башлыгы урынбасары В.Г. Акатьев, шәһәр һәм район Советы аппараты һәм Башкарма комитетының җаваплы хезмәткәрләре, территориаль органнар һәм массакүләм мәгълүмат чаралары вәкилләре катнашында «Зәй муниципаль районының 2021 елга һәм 2022 һәм 2023 елларның планлы чорына бюджеты турында»гы карар проекты буенча ачык тыңлаулар узды. В.Г. Акатьев катнашучыларга Зәй муниципаль районы Уставы, Зәй муниципаль районында бюджет процессы турындагы, Зәй муниципаль районында халык алдында тыңлауларны (иҗтимагый фикер алышуларны) оештыру һәм үткәрү тәртибе турындагы нигезләмәләр һәм Зәй муниципаль районы башлыгы карары нигезендә, Зәй муниципаль районы Советының «2021 елга, 2022 һәм 2023 елларның планлы чорына Зәй муниципаль районы бюджеты турында»гы карары проекты буенча ачык тыңлаулар үткәрү турында карар кабул ителүе хакында хәбәр итте. Көн тәртибе буенча Зәй муниципаль районы финанс-бюджет палатасы рәисе Байрашев П.А. чыгыш ясады. Зәй муниципаль районы Советының "2021 нче елга һәм 2022, 2023 нче еллар план чорына Зәй муниципаль районы бюджеты турында» гы карары проекты буенча ачык тыңлаулар үткәрү барышында тәкъдимнәр булмады. Бүген шулай ук Зәй шәһәре башлыгы урынбасары Е.В. Недошивина рәислегендә «Зәй муниципаль районы Зәй шәһәренең 2021 елга һәм 2022 һәм 2023 елларның планлы чорына бюджеты турында»гы карар проекты буенча да ачык тыңлаулар узды. Ике проект та район һәм шәһәр Советлары утырышы каравына тәкъдим ителәчәк.