Зәй пенсионерларына РФ Дәүләт Думасы депутатыннан күчтәнәч

РФ Дәүләт Думасы депутаты, ”Бердәм Россия” фракциясе әгъзасы Олег Морозов йөкләмәсе буенча, коронавирус пандемиясе аркасында риск төркеменә кергән Зәй пенсионерларына чираттагы азык-төлек җыелмаларын тапшырдылар. Мондый адреслы ярдәм социаль хезмәтләрдән файдаланучыларга бик кирәк. Нәкъ менә хәзер өлкән буын тирә-юньдәгеләр белән аралашуларны чикләргә мәҗбүр. Мондый кыенлыкны янәшәләрендә ярдәм итә алырлык туганнары һәм якыннары булмаган ялгыз яшәүче өлкән яшьтәге кешеләр аеруча нык сизә. Алар өчен битараф булмаган кешеләрнең ярдәме бәяләп бетергесез. Татарстан Республикасы Хезмәт, халыкны эш белән тәэмин итү һәм социаль яклау министрлыгының Зәй муниципаль районындагы социаль яклау бүлеге РФ Дәүләт Думасы депутаты Олег Морозовка социаль хезмәтләрдән файдаланучыларга ярдәм күрсәтүе өчен рәхмәт белдерә. Уртак тырышлык нәтиҗәсендә безнең өлкәннәребез үзләрен ялгыз һәм онытылган итеп тоймый. Бик зур рәхмәт Сезгә!