Зәйдә район һәм шәһәр Советларының уртак утырышы узды

Бүген Зәйдә дүртенче чакырылыш Зәй муниципаль районы һәм Зәй шәһәре Советларының берләштерелгән утырышы узды. Утырышның көн тәртибенә 20 мәсьәлә кертелгән иде, шул исәптән Зәй муниципаль районы Башкарма комитеты җитәкчесе вазыйфасына конкурс игълан итү һәм Зәй муниципаль районы Зәй шәһәре Башкарма комитеты җитәкчесе вазыйфасын биләүгә конкурс игълан итү турындагы мәсьәләләр дә каралды. Шулай ук шәһәр һәм район Советларының даими комиссияләре составы төзелде, аларның рәисләре сайланды. Депутатлар каравына Зәй муниципаль районы һәм Зәй шәһәре территориаль сайлау комиссияләре составына билгеләү өчен кандидатуралар тәкъдим ителде. Шулай ук депутатлар тарафыннан «Татарстан Республикасы Муниципаль берәмлекләре советы» ассоциациясенең XV съездына район делегаты кандидатурасы хупланды. Утырышны район һәм шәһәр Советлары рәисе Разиф Гали улы Кәримов алып барды.