Район җитәкчелеге капиталь ремонт һәм төзелеш объектларын карады

3 ноябрьдә Зәй районы башлыгы Кәримов Рәзиф Галиевич капиталь ремонт һәм төзелеш объектларын карап чыкты: «Энергетик» мәдәният йорты мәйданы, район үзәк хастаханәсе корпусы , «Тиремкәй» мәктәпкәчә белем бирү учреждениесе, физкультура-сәламәтләндерү комплексы, 4 нче микрорайонда төзелеп килүче 24 фатирлы йорт, ведомстводан тыш сак бүлеге бинасы, Зәй-2 микрорайонындагы яр буе, Имәнлебаштагы ФАП, 88 нче янгын-коткару бүлегендә булды. Чарада шулай ук җаваплы хезмәт вәкилләре дә катнашты. Район башлыгы подрядчыларның эш срокларын һәм сыйфатын үтәүгә аерым игътибар юнәлтте, җаваплы кешеләргә тиешле йөкләмәләр бирде.