Зәйдә авыл хуҗалыгы ярминкәләре дәвам итә

Бүген район башлыгы Р.Г. Кәримов «Зәй» агросәнәгать паркы территориясендә оештырылган ярминкәдә булды. Анда Агросәнәгать паркы, җирле җитештерүчеләр, Н.В.Карташов, В.И.Ионов, А.М. Носов, В. В. Сироткин крестьян – фермер хуҗалыклары, районның Бигеш, Югары Пәнәче, Гулькин, Дурт- Мунча, Кадер, Түбән Биш һәм Югары Шепкә авыл җирлекләре үз авыл хуҗалыгы продукциясенең киң ассортиментын халыкка тәкъдим итте. Продукциянең сыйфатын ветеринария хезмәте һәм Россельхознадзор хезмәткәрләре даими тикшереп тора. Узган вакыт эчендә үткәрелгән ярминкәләргә 2600 мең сумлык продукция китерелгән, шул исәптән 13 тоннадан артык бәрәңге, итнең барлык төрләре-3,4 тонна, 4,5 тонна он, 6,65 тонна шикәр комы, 6 мең данә тавык йомыркасы.