Район башлыгы Разиф Гали улы Кәримов техниканың кышкы сезонга әзерлеген тикшерде

Бүген район башлыгы Разиф Галиевич Кәримов “Татнефтедор” ҖЧШнең Зәй автомобиль юллары идарәсендә һәм «БлагоСтрой» ҖЧҖ да булды һәм андагы техникаларның кышкы чорга әзерлеген тикшерде. Комиссия әгъзалары техникаларның кышка әзерлегенә уңай бәя бирделәр. Тулаем алганда районда юл-төзелеше чорында сыйфатлы итеп башкарылган эшләр дә билгеләп үтелде. Шулай ук бүген «БлагоСтрой» ҖЧҖдә кышкы чорга Зәй шәһәренең юл-урамнарын карап тотуны тәэмин итү буенча әзерлек эшләре каралды. Оешма автопаркында 22 юл техникасы бар. Белгечләр белән тәэмин ителеш 100% тәшкил итә. Бозлавыкны булдырмаучы материаллар җитәрлек күләмдә бар. Оешма кышкы кизү тору графигына күчә.