Идел буе федераль округы студент отрядларының X слеты
"Легенда 17" педагогик отрядының элеккеге командиры Красильникова Алена һәм элеккеге комиссар Лифадеева Миләүшә Идел буе федераль округы студентлар отрядларының унынчы юбилей слетында катнаштылар. Россиянең 14 регионыннан иң яхшы көрәшчеләр, узган еллар эшчәнлегенә йомгак ясау өчен, Казан шәһәренә җыелдылар. Слет кысаларында белем бирү программасы оештырылды, анда балалар командада эшләүнең яңа форматларын, проектлар белән идарә итү, эшлекле стиль, социаль челтәрләр белән эшләү, дизайн, ачык чыгышлар һәм заманча белгечләргә кирәк булган профессиональ компетенцияләрне үстерүгә юнәлдерелгән башка лекцияләр өйрәнделәр. Зәй шәһәренең студентлар хезмәт отрядлары үзәге җитәкчесе Ростислав Аладышкин әлеге чараны "Питчинг-сессия" оештыручысы сыйфатында уздырды. Зәй студентлар отрядларының шатлыгы шунда: студентлар отрядларын үстерү эшчәнлегендә актив эш алып барганы өчен, Ростислав Аладышкин студент отрядларының иң югары бүләге булган, "Россия Студентлар Отрядлары" мактау билгесе белән бүләкләнде.