Зәй районында «Яңа буын сайлый» дип исемләнгән һөнәри юнәлеш бирү сәгате узды

20 октябрь көнне Зәй районы Үзәк китапханәсенең уку залында 2 нче мәктәпнең 9 нче сыйныф укучылары өчен «Яңа буын сайлый» дип исемләнгән һөнәри юнәлеш бирү сәгате узды. Анда Зәй халык мәшгульлеге үзәге профконсультанты Ләйсән Баһаветдинова катнашты. Әлеге чараның максаты булып яшүсмерләрнең төрле һөнәрләр турында күзаллауларын киңәйтү, хезмәткә карата уңай мөнәсәбәт формалаштыру, укучыларны аңлы рәвештә һөнәр сайлауга, һөнәрләр турында мәгълүмат эзләргә өндәү иде. Һәр кешенең тормышында, мәктәпне тәмамлаганнан соң, үзенең киләчәге турында уйланырга мәҗбүр иткән бер мизгел барлыкка килә. «Һөнәрне дөрес сайлау өчен, үз мөмкинлекләреңне, һөнәри мәнфәгатьләреңне һәм сәләтеңне белергә, шулай ук һөнәр таләпләрен һәм хезмәт базарындагы хәлне исәпкә алырга кирәк", — дип китапханәче Лилия Хафизова үз чыгышында билгеләп үтте, шулай ук китапханәдә булган әлеге тема буенча әдәбият белән таныштырды. Аннан соң һөнәрләр белән танышу уен формасында барды. Балалар викторина сорауларына җавап бирде, мәкальләр һәм әйтемнәр конкурсында катнашты. Профконсультант Зәй районының хезмәт базарында нинди һөнәрләргә кытлык барлыгы турында сөйләде. Катнашучылар «Ничек һәм нинди һөнәр сайларга? Киләчәк һөнәрләренә күзәтү» дигән темага видеофильм карадылар. Балаларга «укучылар һәм студентларга профориентация»дигән буклетлар таратылды. Чара ахырында укучыларга актив катнашкан өчен сувенирлар тапшырылды.