Зәйдә игезәкләр туды

2020 елның 12 октябре, дүшәмбе

12 октябрь көнне Зәй ГХАТ бүлегендә 2020 елда беренче пар игезәкләр тууы теркәлде. Бу искиткеч вакыйга Евгений һәм Елизавета Слепцовлар гаиләсендә килеп чыга. Әти - әниләре бәләкәчләргә Александр һәм Виктория дигән исемнәр куштылар. ГХАТ бүлеге мөдире Гөлфия Вәлишина бәхетле гаиләне икеләтә шатлыклары белән котлады, балаларның беренче дәүләт документлары-туу турында таныклыклар һәм Татарстан Республикасы Президенты Р.Н. Миңнехановның Котлау адресын тапшырды, гаиләгә иминлек, тынычлык һәм уңышлар, шулай ук икеләтә сабырлык һәм аңлашып яшәүләрен теләде.