Зәй районында яңа мәдәният йорты ачылды

Бүген Зәй районы Төги авылында авыл клубларын төзү программасын гамәлгә ашыру кысаларында яңа объектны ачу тантанасы булды. Район башлыгы Разиф Кәримов халыкка яңа мәдәният йортының яшьләр һәм балалар өчен генә түгел , өлкән буын вәкилләре өчен дә очрашулар, ял, аралашу, яраткан шөгыль урыны булуын теләде. Разиф Галиевич яңа объектның матди-техник базасын ныгыту өчен бүләк сертификаты тапшырды. Төги авыл җирлеге башлыгы Татьяна Попова республика һәм район җитәкчелегенә авылда талантларны һәм иҗади эшчәнлекне үстерү өчен лаеклы шартлар тудырганнары өчен рәхмәт белдерде. Төзелеш оешмасының директоры һәм алдынгы хезмәткәрләре район Башлыгы һәм Башкарма комитеты җитәкчесе Рәхмәт хатлары белән бүләкләнделәр. Программа гамәлгә кергән 2012 елдан бу районда файдалануга тапшырылган тугызынчы мәдәният йорты.