Тарихның тере тавышлары

«Күкләрне яңгыратырга» дигән фәнни эш һәм «Тарихның тере тавышлары» проекты кысаларында музей хезмәткәрләре концлагерь тоткыны Винокурова Мария Трофимовна белән очраштылар. Ул 1928 елның 10 сентябрендә Воронеж өлкәсенең Семилук районы Пановка Гвоздевкасы авылында туа. 1942 елның 22 июлендә авыл фашистлар гаскәрләре тарафыннан оккупацияләнә, халык Воронеждан 30 чакрым ераклыкта урнашкан концлагерьга җибәрелә. Бу куркыныч вакыт Мария Трофимовна хәтерендә мәңгегә сакланып калган. Ул гомере буе колхозда эшләгән, чөгендер үстергән, үлчәүче, хат ташучы, сыер савучы булган, 57 яшендә пенсиягә чыккан, чөнки документлары сугыш вакытында югалган һәм аны 1930 елгы дип язганнар. 2016 елда Мария Трофимовна Зәйгә күчеп килә.