Тере легенда

Бүген Бөек Ватан сугышы ветераны Моисеева Анна Ивановна музейга килде. 1985 елда ул туган якны өйрәнү музеена нигез салуның чишмә башында торган, ә аның хезмәт кенәгәсендә «01.02.1990 - 01.12.1994 елларда техник - кассир, Зәй шәһәренең туган якны өйрәнү музеенда караучы» дигән язу бар. Элеккеге музейчылар булмый, диләр, Анна Ивановна да искәрмә түгел. Бу юлы аны музейдагы үзгәрешләр гаҗәпкә калдырды, шул исәптән «Со-творение» яңа сәнгать-күргәзмә проекты да. Ә «Ачык фондлар» залында Анна Ивановнаны сәүдәгәрләрнең костюмнары таң калдырды. Быел Бөек Ватан сугышы ветеранына 97 яшь тулды. Аның күкрәген «Сугышчан казанышлары өчен», «Берлинны алган өчен», «Георгий Жуков», «Фронтовик», «Хезмәт ветераны», «Хезмәткә дан», «Озак еллар намуслы хезмәте өчен» медальләре, ике II дәрәҗә «Ватан сугышы» ордены, шулай ук «Казанның 1000 еллыгы истәлегенә» Истәлек билгесе һәм башка юбилей медальләре бизи. Анна Ивановна Берлинга кадәр барып җитә, 473 нче номерлы хирургия күчмә госпиталенең шәфкать туташы һәм снайпер була, ә сугыштан соңгы елларда 1946 елның 10 июленнән алып 1986 елның 13 октябренә кадәр Зәй РҮХдә шәфкать туташы булып эшли.