Эшчәнлекләрен туктаткан шәхси эшмәкәрләр игътибарына

Хөрмәтле салым түләүчеләр! Россия Федераль салым хезмәтенең Татарстан Республикасы буенча 11 нче номерлы районара инспекциясе хәбәр иткәнчә, 2020 елның 1 сентябреннән "Россия Федерациясенең аерым закон актларына үзгәрешләр кертү турында" 2009 елның 12 ноябрендәге Э77-ФЗ номерлы Федераль закон нигезләмәләре үз көченә керде. Сүз 15 айдан артык салым хисапларын тапшырмаган яисә патентлары гамәлдән чыккан көннән 15 ай үткән һәм шул ук вакытта салымнар буенча бурычлары түләнмәгән эшкуарлар турында бара. Шәхси эшмәкәрне ЕГРИПтан төшереп калдыру турында салым органы карары «Вестник государственной регистрации» журналында, эшкуардан тыш, хокуклары һәм законлы мәнфәгатьләренә кагылучы кредиторларның һәм башка затларның гаризаларын җибәрү тәртибе һәм вакытлары турындагы белешмәләр белән бергә басыла. Мондый гаризалар басылганнан соң бер ай эчендә теркәү органына тапшырылырга мөмкин. Бу очракта эшкуарны ЕГРИПтан чыгару турында карар кабул ителми. Әгәр гариза теркәүче органга килмәсә, ЕГРИПка салым органы карары буенча индивидуаль эшкуарны төшереп калдыру турындагы язма кертелә. Салым органы карары буенча, ЕГРИПтан төшереп калдырылган физик затлар яңадан шәхси эшмәкәр сыйфатында бары тик ЕГРИПтан төшереп калдыру датасыннан соң өч ел узгач кына теркәлергә мөмкин. Татарстан Республикасында теркәүче салым органы булып Федераль салым хезмәтенең 18 нче районара инспекциясе (420054, Казан шәһәре, Владимир Кулагин ур., 1 нче йорт) тора.