Зәйлеләрне "Татарча диктант" белем бирү акциясендә катнашырга чакырабыз
26 сентябрьдә 11:00 сәгатьтә бөтен дөнья буйлап татар телендә белем бирүне тикшерү буенча "Татарча диктанты" дигән белем бирү акциясе узачак. Акциянең максаты - дөрес язу, әдәби татар телен белү, орфографик һәм грамматик хаталарны тикшерү, филологларны һәм татар теле укытучыларын популярлаштыру булып тора. Быел белем бирү акциясе онлайн - форматта узачак. Диктант тексты «ТНВ» һәм «ТНВ-Планета» телеканалларында 26 сентябрьдә 11 сәгатьтә трансляцияләнәчәк. Диктантны өйдән чыкмыйча гына язарга мөмкин булачак. Моның өчен diktant.tatar сайтына керергә, бланкны күчереп алырга һәм бастырып чыгарырга, онлайн трансляцияне ачарга, язганнан соң бланкны сканировать итәргә һәм аны почта аша tatarchadiktant@gmail.com почтасына, яисә +7 953-483-77-11 номерына ватсапка җибәрергә кирәк була. Акциягә теләктәшлек белдерергә һәм белемнәрен тикшерергә теләүчеләр өчен шәһәрдә дә 2 мәйданчык оештырылачак: 7 нче мәктәптә һәм Сөббух Рәфыйков исемендәге үзәк китапханәдә.