Район башлыгы чаңгы буенча җәйге Чемпионатны ачу тантанасында катнашты

Бүген «Ялта-Зәй» спорт үзәгендә чаңгы ярышлары буенча җәйге Чемпионат һәм Татарстан Республикасы беренчелеге (Россия кубогы тапшыру) үткәрелә. Ачылыш тантанасында ТР чаңгы узышлары һәм биатлон федерациясе президенты Илшат Фәрдиев, РФ чаңгы узышлары һәм биатлон федерациясе президенты Елена Вяльбе, Зәй районы башлыгы Разиф Кәримов, Идел буе дәүләт физик культура, спорт һәм туризм академиясе ректоры вазыйфаларын башкаручы Рафис Борһанов катнашты. Шулай ук чемпионатның мәртәбәле кунаклары арасында атказанган спорт мастеры, ике тапкыр олимпия чемпионы, дүрт тапкыр дөнья чемпионы Ольга Данилова; совет һәм Россия чаңгычысы, 4 тапкыр олимпия чемпионы, СССРның атказанган спорт мастеры, Россиянең атказанган тренеры Николай Зимятов, совет чаңгычысы, өч тапкыр кышкы олимпия уеннары призеры, дөнья чемпионы, СССРның атказанган спорт мастеры, Россиянең атказанган тренеры Александр Завьялов, Россия чаңгы узышлары Федерациясенең әйдәп баручы белгече, Россиянең атказанган тренеры, Бөтендөнья Универсиадаларында Россиянең даими вәкиле Галина Шлыкова, Россиянең атказанган тренеры Владимир Голубев, Россия чаңгы ярышлары Федерациясе менеджеры Михаил Богданов та бар иде. Ярышларда республика шәһәр һәм районнарыннан 13 команда катнашты: Бөгелмә, Алабуга, Зәй, Яшел Үзән, Казан, Яр Чаллы, Түбән Кама шәһәрләре, Әгерҗе, Балтач, Минзәлә, Саба, Сарман районнары һәм Татарстан Республикасы җыелма командасы. Спортчылар роллерларда ярышты, нәтиҗәләр ясала.