2020 нче елның 100-нче сабые Зәй бала тудыру йортыннан чыгарылды

Бүген Зәй бала тудыру йортыннан 2020 нче елның йөзенче баласын чыгардылар. ТАССР юбилее елында Коноваловлар гаиләсендә өченче бала - көтеп алынган малай туа. Күп балалы гаиләне бу тантаналы вакыйга белән котларга район Башкарма комитеты җитәкчесе Илнар Хафизов, Зәй район үзәк хастаханәсе баш табибы Айдар Фатыйхов, ЗАГС бүлеге җитәкчесе Гөлфия Вәлишина, акушерлык бүлеге мөдире Виталий Егоров һәм бала тудыру бүлегенең хезмәткәрләре килде. Башкарма комитет җитәкчесе Илнар Фәнил улы сабыйның әти-әнисенә бала туу турында таныклык, Татарстан АССР төзелүнең 100 еллыгына багышланган Истәлек билгесе, чәчәкләр һәм бүләкләр тапшырды. Гаилә адресына бала тудыру йорты коллективы һәм җыелган кунаклар исеменнән бик күп җылы сүзләр һәм теләкләр яңгырады.