Зәй районы башлыгы шәһәр сайлау участогында тавыш бирде
Зәй муниципаль районы башлыгы Разиф Кәримов һәм аның тормыш иптәше шәһәрнең тарихи үзәгендә урнашкан 1451нче номерлы сайлау участогында тавыш бирделәр. Разиф Галиевич зәйлеләрне истәлекле вакыйга — Татарстан Республикасы Президентын сайлаулар белән котлады, районның һәм республиканың киләчәк иминлеге һәр сайлаучыга бәйле,- дип билгеләп үтте. Исегезгә төшерәбез, Зәй муниципаль районында бер үк вакытта 3 сайлау кампаниясе бара: Татарстан Республикасы Президентын сайлау, Түбән Кама сайлау округы буенча РФ Дәүләт Думасы депутатын өстәмә сайлау, муниципаль депутатлар сайлау. Бердәм тавыш бирү көненә әзерлек һәм аны уздыру вакытында коронавирус инфекциясе (COVID-19) таралуга бәйле хәвеф-хәтәрләрне кисәтү максатыннан, комиссия әгъзалары Роспотребнадзор рекомендацияләренә таяна. Шәһәр һәм районның 64 участогы да комиссия әгъзалары өчен дә, сайлаучылар өчен дә 100% - ка кирәкле шәхси саклану чаралары белән тәэмин ителгән. Сайлаучылар республика Президенты, РФ Дәүләт Думасы депутаты һәм муниципаль депутатларга тавыш бирү өчен 3 бюллетень алалар. Бердәм тавыш бирү көнендә район башлыгы урынбасары В.Г. Акатьев һәм район Башкарма комитеты җитәкчесе И. Ф. Хафизовта шәһәрнең физкультура-сәламәтләндерү комплексы бинасында урнашкан 1444 нче сайлау участогында тавыш бирделәр.