Зәй районында эшсез гражданнарның чираттагы төркеме укуларын тәмамлады

Зәй халык мәшгульлеге үзәге юлламасы буенча эшсез 12 граждан «электрон-исәпләү һәм исәпләү машиналары операторы» эшче һөнәре буенча яңа белемнәр үзләштерде. Әлеге программа буенча укулар 1,5 ай дәвам итте. Студентлар офис программалары пакетлары белән эшләргә, компьютер дизайны график редакторларын, интернет, электрон почта белән файдаланырга өйрәнделәр. Курсларга йөрүчеләр тиз һәм хаталарсыз текст җыю алымнарын да үзләштерделәр. Курсларны тәмамлаучыларга билгеләнгән үрнәктәге һөнәри әзерлек программасын узу турында таныклыклар тапшырылды.