Район башлыгы «Зәй икмәк кабул итү предприятиесе» ААҖ хезмәт коллективы белән очрашты
Бүген «Зәй ХПП» ААҖдә район башлыгы Р.Г. Кәримов катнашында хезмәт коллективы белән очрашу узды. Разиф Галиевич предприятие эшчәнлегенең төп күрсәткечләре белән танышты һәм коллективка соңгы 5 елда районда башкарылган эшләр һәм киләчәккә перспектив планнар турында сөйләде. Бүгенге көндә Зәй икмәк кабул итү предприятиесендә 100 кеше эшли. 2020 ел барышында 74500 тонна ашлык кабул ителгән. Төп заказчылар - районның авыл хуҗалыгы җитештерүчеләре, «Агрокөч төркеме" АҖ агрофирмалары. Хезмәт хакы һәм бюджетка салым түләү буенча бурычлар юк. Быел предприятиенең 13 млн. сум акчасы аны үстерүгә тотылган: автопарк, лаборатория җиһазлары яңартылган, ашлык киптергечләргә капиталь ремонт ясалган. Район башлыгы Разиф Кәримов коллективка тотрыклы хезмәтләре өчен рәхмәт белдерде, туган районыбыз һәм республика иминлеге өчен алга таба да уңышлар теләде.