Бигеш авыл җирлегендә халык җыены узды

9 сентябрьдә район башлыгы Кәримов Разиф Гали улы катнашында Бигеш авыл җирлегендә халык җыены узды. Анда шулай ук Совет аппараты, Башкарма комитет җитәкчеләре һәм белгечләре, шәһәр һәм район хезмәтләре һәм ведомстволары вәкилләре катнашты. Район башлыгы Разиф Кәримов үз чыгышында соңгы 5 елда башкарылган эшләр, шулай ук 2020 елда районның социаль-икътисади үсеш нәтиҗәләре һәм киләчәккә билгеләнгән бурычлар турында сөйләде. Бигеш авыл җирлеге башлыгы Илгиз Вәлиев агымдагы елның сигез аенда башкарылган эшләргә йомгак ясады һәм алга куелган бурычлар турында аңлатты. Аның чыгышының төп нигезе булып авыл җирлегендә республика программалары буенча башкарылган эшләр торды: Бигеш авылында ГТС ремонты төгәлләнде, Башкарма комитет бинасына капиталь ремонт ясалды, Түбән Лоҗы авылында яктырткычлар алыштырылды, суүткәргеч үткәрелде. Гражданнарның үзара салым программасы буенча авыл җирлеген төзекләндерүгә тотылган акчалары буенча җентекле анализ ясалды. Россия Эчке эшләр министрлыгы Зәй районы бүлегенең участок уполномоченныйлары һәм балигъ булмаганнар эшләре бүлеге башлыгы Рәмис Минһаҗев райондагы һәм авыл җирлегендәге оператив хәлләр турында сөйләде, гражданнарны мошенниклардан сакланырга, игътибарлы һәм уяу булырга чакырды. Шулай ук санитар-эпидемиологик хәл һәм йогышлы авыруларны профилактикалау, халыкны вакцинацияләү мәсьәләләре каралды. Тормыш тәэмин итү хезмәтләре җитәкчеләре халыкны борчыган сорауларга тулы җавап бирделәр.