Сәвәләй авыл җирлегендә халык җыены узды

Бүген район башлыгы урынбасары В.Г. Акатьев катнашында Сәвәләй авыл җирлегендә халык җыены узды. Валерий Григорьевич авыл халкын районның 2020 елгы социаль-икътисади үсеш нәтиҗәләре һәм 2021 елга бурычлары белән таныштырды. Сәвәләй авыл җирлеге башлыгы П.С. Уразайкин 2020 елда башкарылган эшләр һәм 2021 елга куелган бурычлар турында хисап тотты. Ул үз чыгышында Сәвәләй һәм Кара-Елга авылларында һәйкәлләрне төзекләндерү, Сәвәләй авылы үзәген төзекләндерү, андагы агачларны кисү, авыл аша чыгу юлын ремонтлау, Ленин урамы буенча суүткәргечне алыштыру кебек мәсьәләләрнең хәл ителүен билгеләп үтте. Авыл җирлеге гражданнары җыенында шулай ук район хезмәтләре вәкилләре дә катнашты. Элек клуб мөдире булып эшләгән Бутяева Ольга Григорьевна ТР мәдәният министрының Рәхмәт хаты белән бүләкләнде. Җыенга район башлыгы урынбасары В.Г. Акатьев йомгак ясады.