Зәйдә Икътисади Советының чираттагы утырышы узды

Бүген хакимият бинасының зур залында район башлыгы Р.Г. Кәримов рәислегендә Зәй муниципаль районы Икътисади Советының чираттагы утырышы узды. «Таттелеком «ГАҖ Зәй РУЭСы эшчәнлегенең 2020 елның 1 яртыеллыгындагы төп нәтиҗәләре, 2020 елга көтелгән эшчәнлек нәтиҗәләре һәм 2021 елга перспектив планнар» темасына доклад белән Таттелеком «ГАҖ Зәй РУЭСы башлыгы Р.Р. Фәйзуллин чыгыш ясады. Бүгенге көндә предприятиенең штат саны 32 кеше тәшкил итә, хезмәткәрләрнең уртача яше – 35, югары белемле хезмәткәрләр -9, Урта һөнәри белемле 14 кеше. РУЭСны үстерү планындагы төп бурычларның берсе-абонентлар өчен сыйфатлы хезмәт күрсәтү. 2020 елның 1 яртыеллыгы нәтиҗәләре буенча Зәй РУЭСының абонентлар базасын арттыру планы СПД ( интернет) хезмәтләре буенча үтәлгән. Үтәлеш - 103%, IPTV (интерактив телевидение) үтәү-103,3% , стационар телефон 101%, кабельле телевидение-98,7% һәм мобиль элемтә хезмәте 95% тәшкил итте. 2020 елның 1 яртыеллыгы нәтиҗәләре буенча Зәй РУЭСы алдына төп эшчәнлектән кергән керемнәр буенча куелган план үтәлгән. Көн тәртибендәге барлык мәсьәләләр каралганнан соң, утырышта катнашучылар үзара фикер алыштылар. Икътисади Совет утырышына район башлыгы Разиф Гали улы Кәримов йомгак ясады.