Зәйдә мәгариф хезмәткәрләренең август конференциясе узды

Бүген Зәй муниципаль районында мәгариф хезмәткәрләренең август конференциясе узды. «Мәгариф һәм тәрбия: Зәй муниципаль районы мәгариф системасы үсешенең төп векторлары» дигән конференция эшендә район башлыгы Разиф Гали улы Кәримов, Россия Федерациясе Федераль Җыены Федерация Советы әгъзасы, Россия Федерациясе Федераль Җыелышының Түбән Кама округы буенча Дәүләт Думасына депутатлыкка кандидат Олег Викторович Морозов, Татарстан Республикасының мәдәният объектларын саклау комитеты рәисе Иван Николаевич Гущин, Татарстан Республикасы Мәгариф һәм фән министрлыгының Мәгариф өлкәсендә күзәтчелек һәм контроль департаментының белем бирү эшчәнлеген дәүләт аккредитациясе бүлеге башлыгы Рәисә Тәлгать кызы Хисамова, Яр Чаллы дәүләт педагогика университеты ректоры Әлфинур Азат кызы Галиәкбәрова, район Башкарма комитеты җитәкчесе Илнар Фәнил улы Хафизов, мәгариф идарәсе башлыгы Лилия Равил кызы Печина, Алабуга дәүләт музей-тыюлыгы генераль директоры Гөлзада Рәкыйп кызы Руденко, Совет, Башкарма комитет хезмәткәрләре, район Башкарма комитеты, оешма җитәкчеләре, педагоглар катнашты. Конференцияне ачып, җыелган педагогларга сәламләү сүзе белән район башлыгы Разиф Кәримов мөрәҗәгать итте. Районның мәгариф системасы үсеше турында төп доклад белән мәгариф идарәсе башлыгы Л.Р. Печина чыгыш ясады. Конференциядә шулай ук «Мәгариф үсешенең төп юнәлешләрен тормышка ашыру кысаларында белем бирүнең сыйфатын күтәрү», «Мәктәпнең тәрбия системасы – укучылар шәхесен формалаштыру һәм үстерү шарты», «Өстәмә белем бирү-мөмкинлекләр киңлеге: идеядән нәтиҗәгә кадәр", «Мәктәпкәчә белем бирү киңлегендә мөмкинлекләре чикләнгән балаларны комплекслы озата бару" дигән темаларга өстәмә докладлар тыңланды. Август конференциясе мәгариф хезмәткәрләрен бүләкләү тантанасы белән тәмамланды.