Зәйдә «ТАССРга 100 ел»флагы эстафетасының республика этабы кысаларында тантаналы чара узды

17 августта Зәй муниципаль районында «ТАССРга 100 ел»флагы эстафетасының республика этабы кысаларында тантаналы чара узды. С.Сәйдәшев маршы астында «ТАССРның 100 еллыгы» флагын тоткан сакчылар коридор буйлап уздылар. Р.Ш. Фәрдиев исемендәге ял паркында флагны Дуслык әйлән-бәйләне каршы алды. Тантаналы чараны «Мирас» халык вокаль-хореографик ансамбле башкаруында музыкаль композиция башлап җибәрде. Чарада катнашучыларга һәм кунакларга сәламләү сүзе белән район Башкарма комитеты җитәкчесе Хафизов Илнар Фәнил улы мөрәҗәгать итте. Традиция буенча ул «ТАССРның 100 еллыгы» флагына Зәй муниципаль районы гербы төшерелгән шеврон беркетте һәм символик байракны флаг белән кабул итте. Соңыннан «Энергетик» мәдәният йортының концерт төркеме башкаруында «Татарстан турында» музыкаль композиция яңгырады. 2018 елда Россия Федерациясе Президенты тарафыннан «Татарстан Республикасы төзелүнең 100 еллыгын бәйрәм итү турында»гы Указга кул куелды. 2019 елның 19 декабрендә «Казан Экспо» Халыкара күргәзмә үзәгендә тантаналы чарада ТАССР төзелүнең 100 еллыгына старт бирелде, аның кысаларында ТАССР төзелүнең 100 еллыгы флагы рәсми рәвештә тәкъдим ителде.ТАССР төзелүнең 100 еллыгы флагы Татарстан Республикасы муниципалитетлары буйлап сәяхәтен дәвам итә. Зәйдән ул Ютазы муниципаль районына юл тотты.