Зәйдә «Безнең ишегалды» республика программасын тормышка ашыру кысаларында ишегалларны йөреп чыктылар

Бүген Зәй муниципаль районы башлыгы Разиф Галиевич Кәримов һәм җаваплы белгечләр белән «Безнең ишегалды» республика программасын тормышка ашыру кысаларында ишегалларны йөреп чыктылар. 2020 елда программага 45 ишегалды кергән, шуларның 31ендә эшләр башланган инде. Программа юлларны асфальтлау белән бергә ишегалларын, гамәлдәге тротуарларны, эскәмияләрне һәм чүплекләрне яңарту, урам утларын ремонтлау, балалар өчен уен мәйданчыклары урнаштыруны үз эченә ала. Тикшерүнең максаты-җитештерелә торган эшләрнең сыйфатын билгеләү иде. Барлык эшләрнең дә җитештерү графигы буенча башкарылуы ачыкланды.