Зәйдә авыл хуҗалыгы техникасының 2020 елгы уракка әзерлеген тикшерделәр

17 июльдә Зәйдә комбайннар парады узды. Район башлыгы Разиф Гали улы Кәримов рәислегендәге махсус комиссия авыл хуҗалыгы техникасының 2020 елгы уракка әзерлеген тикшерде. Комиссия эшендә "Агросила" АҖ генераль директоры урынбасары – Б.З. Шакиров, "Агросила Сервис" АҖнең техник контроль бүлеге башлыгы Ф.С. Хәкимов, "РСЦ" ФДБУнең Татарстан Республикасы филиалы җитәкчесе урынбасары Р. Р. Хәбибуллин, "Агрокөч" АҖ баш агрономы Р.М. Хәбибрахманов, авыл хуҗалыгы идарәсе, Россельхозүзәк, Дәүләт техник күзәтчелек идарәсе белгечләре катнашты. Комиссияләргә 60 ашлык җыю комбайны, шулай ук салам әзерләү һәм ташу, туфрак эшкәртү техникасы, азык өләшү катнашмалары тәкъдим ителде. Гомумән алганда, бөртеклеләрне җыюга "Агрокөч" АҖнең 51 комбайны һәм КФХның 9 комбайны җәлеп ителәчәк. Комиссия әгъзалары Зәй районының барлык агрофирмаларында да кабул итү үткәрделәр. Алар беренчеләрдән булып "Зәй шикәре"АФ ҖЧҖ комбайннарын, тракторларын һәм машиналарын карадылар. Аннары график буенча "Зәй" АФ, "Восток" АФ, "Нива" ҖЧҖ ашлык җыю комбайннарының әзерлеген тикшерделәр. Кырчылар белән әңгәмә вакытында район башлыгы алда торган бурычлар турында сөйләде, аларны матди ярдәм чаралары белән таныштырды. “Кырлар торышын караганнан соң, быел уңыш яхшы үсте дип әйтергә була, агрофирма комбайнчыларының алдында аны билгеләнгән вакыт эчендә, сыйфатлы һәм югалтуларсыз җыеп алу бурычы тора. Урып-җыю техникасының әзерлеген билгеләгәндә, герметиклык зур әһәмияткә ия. Эшләрне башкарганда янгын куркынычсызлыгына һәм хезмәтне саклау мәсьәләләренә аерым игътибар бирергә кирәк”, - дип ассызыклады район башлыгы Разиф Галиевич Кәримов. Һәр отряд гадәттән тыш хәлләрдә файдалану өчен су ташу машиналары һәм трактор белән белән комплектланган. Узган еллардан аермалы буларак, комиссия әгъзалары янгын сүндерү чаралары, аптечкалар һәм махсус киемнәр генә түгел, ә барлык хезмәткәрләрдә шәхси саклану чаралары да булуга аерым игътибар бирделәр. Барлык хуҗалыкларда да, урып-җыю чорында кирәкле җиһаз һәм запчастьләр белән тәэмин ителгән "Агросила Сервис" АҖнең күчмә ремонт бригадалары эшләячәк. Зәй игенчеләренә быел 39,2 мең га мәйданнан көзге бодай, 14,2 мең га сабан культуралары, 6,3 га сабан бодае, 16,7 га арпа, 2,0 га бөртеккә кукуруз җыеп алырга кирәк булачак. Бәяләү күрсәткечләре буенча призлы урыннарны "Зәй шикәре" АФ -1 урын (60 балл), "Зәй " АФ (59,6 балл) -2 урын алды. Бүген шулай ук "Зәй ХПП" ААҖендә "Зәй икмәк кабул итү предприятиесе" ААҖ директоры Р.Р. Фәрдиев, район авыл хуҗалыгы һәм азык-төлек идарәсе башлыгы Ф.Т.Камалиев, "Ашлык һәм аны эшкәртү продуктларының сыйфатын һәм куркынычсызлыгын бәяләү үзәге" ФДБУнең Татарстан Республикасындагы филиалы вәкиле М.Н. Сотникова, "Татар төбәкара ветеринария лабораториясе" ФДБУ вәкиле Р.В. Гыйззәтуллин составындагы комиссия, Зәй икмәк кабул итү комплексының 2020 ел уңышын кабул итүгә әзерлеген тикшерде. “Зәй ХПП” ААҖнең икмәк кабул итү пунктының әзерлеге – 100% дип бәяләнде. Якындагы 2-3 көндә район хуҗалыклары бөртекле культураларны суктыруга керешергә планлаштыралар.