«Безнең ишегалды»-Татарстан Республикасы ишегалларын төзекләндерү буенча уникаль масштаблы программа

Бүген Зәй муниципаль районы башлыгы Р.Г. Кәримов, Зәй шәһәре һәм Зәй муниципаль районы Башкарма комитеты җитәкчеләре И.Ф. Хафизов, А. В. Петров һәм җаваплы белгечләр белән берлектә «Безнең ишегалды» республика программасын тормышка ашыру кысаларында ишегалларын карап чыктылар. Алар ремонт эшләренең барышы белән якыннан таныштылар. 2020 елда Зәй районында программага 45 ишегалды кергән, шуларның 24ендә эшләр башланган. Программа юлларны асфальтлау белән ишегалларын, гамәлдәге тротуарларны, эскәмияләрне һәм чүплекләрне яңарту, урам утларын ремонтлау, балалар өчен уен мәйданчыклары урнаштыруны үз эченә ала. 2019 елда Татарстан ишегалларын төзекләндерү буенча масштаблы программаны Татарстан Президенты Рөстәм Миңнеханов башлап җибәрде. 5 ел эчендә Татарстанда 6775 ишегалды төзекләндереләчәк - бу 2014 елга кадәр төзелгән, Татарстанда гамәлгә ашырыла торган ишегалды территорияләрен ремонтлау программалары буенча моңарчы ремонтланмаган республиканың барлык күп фатирлы йортларының йорт яны территорияләре.