Зәйдә капиталь ремонт һәм төзелеш баручы объектларны тикшерделәр

Бүген район Башкарма комитеты җитәкчесе И.Ф.Хафизов, район Башкарма комитеты җитәкчесенең инфраструктура үсеше буенча урынбасары Н.А. Нифатов белән берлектә, шәһәрнең 7 объектында булдылар һәм ремонт эшләренең барышы белән таныштылар. Чарада шулай ук җаваплы хезмәт вәкилләре дә катнашты. Төзелеш мәйданчыкларының һәркайсында эшләр башкарганда куркынычсызлык техникасына, аларның сыйфаты һәм аларны үтәү срокларына, дезинфекция чараларына зур игътибар бирелде. Объектларны төзү һәм ремонтлау планлы режимда алып барыла.