Табиб-нарколог белән онлайн-очрашу

Район Башкарма комитетының яшьләр эшләре буенча идарәсе Зәй РҮХ белән берлектә, наркотикларга каршы юнәлештәге айлык кысаларында онлайн - лекция әзерләделәр.Табиб-нарколог Илфат Салихов «Сәламәтлек культурасы: наркотикларның кеше организмына йогынтысы»дигән темага профилактик әңгәмә үткәрде. Үткәрелгән лекция никотин, алкоголь һәм наркотикларның зыяны турында күбрәк мәгълүмат алу мөмкинлеге бирде. Ахырда табиб физик, интеллектуаль һәм рухи яктан сәламәт кешеләр генә үз иленә файдалы булырга мөмкин дигән нәтиҗә ясады, чөнки һәр яңа буын сәламәт булырга тиеш, зарарлы гадәтләрдән вакытында арынырга тиеш.