Зәйдә «Бердәм Россия " партиясенең җирле бүлекчәсе конференциясе узды

22 июнь көнне Зәйдә «Бердәм Россия» партиясенең Зәй районы җирле бүлекчәсе конференциясе булып узды. Конференцияне ачып, Зәй җирле бүлеге Сәркатибе, Зәй районы башлыгы Разиф Кәримов зәйлеләрнең яңа сайлау циклына керүләрен ассызыклады. 28-29 май көннәрендә безнең районда Татарстан Республикасы Зәй муниципаль районы муниципаль берәмлекләренең вәкиллекле органнарына сайлауларда алга таба катнашу өчен кандидатларны сайлау буенча алдан тавыш бирү булды. Праймериз дүртенче модель буенча узды. «Бердәм РОССИЯ» партиясенең Зәй җирле бүлекчәсе тарафыннан «Бердәм РОССИЯ» партиясеннән алга таба депутатлыкка кандидатлар күрсәтү өчен алдан тавыш бирү уздыру буенча «Бердәм РОССИЯ»партиясе әгъзалары арасыннан сайлаучылар исемлеге төзелде. Нәкъ менә шушы сайлаучылар кандидатларның кайсысына депутат мандатларына ышаныч күрсәтеләчәген билгеләделәр. Праймериз нәтиҗәләре буенча теркәлгән 270 кандидат арасыннан 135 кандидат җиңүче дип табылды, алар сентябрь аенда узачак сайлауларда «Бердәм Россия» не тәкъдим итәчәк. Бу – 17 кандидат - Зәй шәһәренең бер мандатлы округлары буенча, 118 кандидат - авыл бер мандатлы округларыннан. Зәйлеләр башлангыч тавыш бирүдә югары гражданлык активлыгы күрсәтеп катнашты. Алдан тавыш бирүне оештыручылар тарафыннан зур эш башкарылды. Көн тәртибендәге мәсьәләләр буенча карарлар кабул ителде.