Зәйдә Азат итүче сугышчы һәйкәленә чәчәкләр салдылар

Бүген Россиядә Хәтер һәм кайгы көне. Бу көнне россиялеләр Ватаныбызны саклаган һәм Бөек Җиңүне якынайткан кешеләрне искә алалар. Бөтен ил буенча дәүләт флаглары төшерелде һәм күңел ачу чаралары гамәлдән чыгарылды. Бүген Зәй муниципаль районы башлыгы Разиф Гали улы Кәримов, район Башкарма комитеты җитәкчесе Илнар Фәнил улы Хафизов, Зәй шәһәре һәм Зәй районы хәрби комиссары Айрат Фоат улы Әгъләмҗанов Азат итүче сугышчы һәйкәленә чәчәкләр салдылар. Алар Бөек Ватан сугышы елларында һәлак булганнарны бер минут тынлык белән искә алдылар.