“Наркотикларсыз тормыш”

Наркомания-кешенең физик сәламәтлеге һәм социаль статусы өчен, аның яшенә һәм җенесенә карамастан, универсаль куркыныч булган күренеш. Хәзерге җәмгыятьтә наркотикларның зыяны турында бик азлар гына белми, әмма, шуңа да карамастан, алар элеккечә төрле яшьтәге кешеләрне җәлеп итә, күпләр өчен зыянга әйләнә. Наркоманияне кисәтү-җәмгыятьтә наркотикларга бәйлелекне бетерү буенча куелган бурычларның бер өлеше булып тора. 17 июньдә “Радость” халыкка социаль хезмәт күрсәтү комплекслы үзәгенең гаилә һәм балаларга социаль ярдәм күрсәтү бүлегендә балигъ булмаган социаль хезмәтләр кабул итүчеләр өчен Watsapp мессенджер кушымтасы аша наркотикларга каршы айлык кысаларында Халыкара наркотиклардан явызларча файдалану һәм аларның законсыз әйләнеше белән көрәш көненә багышланган чара үткәрелде. “Наркотикларсыз тормыш” исемле әлеге чарада 38 кеше катнашты. Катнашучылар игътибарына “Финист-ясный сокол” рус халык әкияте тәкъдим ителде. Әлеге дәреснең максаты-балигъ булмаганнарда үз гамәлләре өчен җаваплылык хисе формалаштыру. Балалар әкият турында фикер алышуда актив катнаштылар һәм ата-аналар белән лачын Финистның каурыен рәсемгә төшерделәр, үз-үзеңне җавапсыз тотуның нәрсәгә китерә алуы турында нәтиҗә ясадылар. Дәрес барышында балаларда психоактив матдәләр кулланудан баш тарту күнекмәләре формалаштырылды.