Экологик санитар икеайлык

2020 елның 19 мае, сишәмбе

Мәктәп укучыларының, педагогик һәм техник персоналның экологик санитар икеайлыкта  катнашуы дәвам итә. Әлеге акция кысаларында укучылар үз йортлары тирәсен җыештырдылар. Ә педагоглар һәм техник персонал мәктәп яны территориясен тәртипкә китерделәр, хәзер  бу мәйданчыкларда  үлән чабу буенча  эш алып барыла. Мәктәп бакчасында чөгендер, кишер, суган һәм кабаклар  утыртылды инде. Ә мәктәп түтәлләре чәчәкләргә күмелгән.  Укучылар һәрдаим әти-әниләренә бакчада булышалар - су сибәләр, түтәлләрне йомшарталар, куаклар һәм чәчәкләрне карыйлар.