Зәй районы игенчеләре сабан культураларын чәчүне төгәлләделәр

Зәй районы аграрчылары 13 майда язгы кыр эшләрен төгәлләделәр. Район буенча барлыгы 45 мең га сабан культуралары чәчелгән, шулардан: 16 965 га - арпа, 6414 га - сабан бодае, 1858 га - ашлык кукурузы, 9084 га - шикәр чөгендере, 1996 га - көнбагыш, 3239 га - рапс һәм башка культуралар. 14310 га мәйданда көзге бодай басуларында корткычларга һәм чүп үләннәренә каршы көрәш буенча барлык чаралар 100% ка башкарылган, бүгенге көнгә культураларны тамырдан һәм яфрактан тукландыру һәм шикәр чөгендерен гербицид белән эшкәртү эшләре бара. Район буенча иң яхшы механизаторлар: Ермолаев Михаил Александрович һәм Хафизов Рамил Рафис улы ("Зәй шикәре" АФ) "CLAAS XERION" тракторы белән 3000 га, "Зәй" АФ нан Габдрәфыйков Тимергали Әхмәди улы һәм Гәрәев Айдар Әбузәр улы "CLAAS XERION" тракторында (ДМС-12000) 2474 га, Митрофанов Андрей Михайлович һәм Шәйхиев Айнур Рәшит улы "CLAAS XERION" тракторында (ДМС-12000) 2474 га мәйданда чәчтеләр, Фатыйхов Альберт Роберт улы ("Нива" ҖЧҖ) "fend-930" тракторында 1000 га чәчте. Тукландыруда Мозаффаров Рәмзил Фаяз улы («Зәй» АФ), Кузьмин Елизар Александрович («Восток «АФ), Мөхәммәдиев Илшат Миңнехан улы («Зәй шикәре «АФ), Гребенщиков Евгений Анатольевич («Зәй шикәре» АФ), Хәлиуллин Илнур Рәшит улы ("Нива" ҖЧҖ) аерым уңышларга ирештеләр. Көнбагыш һәм кукуруз чәчүдә- Фәтхуллин Нияз Наил улы һәм Уразайкин Евгений Вениямин улы («Восток» АФ) нан, Борһанов Исхак Гайнетдин улы һәм Гайнетдинов Илдус Камил улы («Зәй»АФ)тырышып хезмәт куйдылар. Шикәр чөгендере чәчүне барлык механизаторлар да төгәл һәм сыйфатлы итеп башкардылар. Механизаторларның барсына да фидакарь хезмәтләре өчен зур рәхмәт сүзләрен җиткерәсе килә.