Чәчәк бакчасы

Тәрбияви бурычларны тормышка ашыру максатыннан балалар бакчасында бик күп кырлы эш алып барыла.Төркемдә экологик почмак булдырылды. Кышын тәрәзә төпләрендә суган үстерү, аның үсешен күзәтү балалар өчен бик кызык. Иртә язда түтәлләргә утырту өчен, орлыклар чәчеп чәчәк үсентеләре үстерәләр. Балалар табигать почмакларында бик теләп эшлиләр. Һәм бу эшнең нәтиҗәсе дә бар, бакчалары шау чәчәктә утыра. Балалар чәчкәләрнең матурлыгына сокланалар. Әгәр тәрбияләмәсәң, аларның үсмәячәген, үсемлекләрнең тере табигать икәнен, аларның үсешенә һава, су, яктылык кирәклеген үз күзләре белән күрәләр.Төрле тәҗрибәләр үткәрү дә балаларга бик ошый.Үзләштергән белемнәренә таянып, балалар кече яшьтән табигатьне аңлап һәм яратып үссеннәр иде.